11 дүгээр сарын 28-ны өдрийн 11.00 цагийн байдлаар 25 хүний сорьцод “коронавирус”-ийн халдвар илэрч, дотоодын халдварын тохиолдол 1187 боллоо. Нийслэлийн нийт тохиолдлын 50 гаруй хувь нь Баянзүрх дүүрэгт бүртгэгдээд байна.

Пүрэв гарагийн өглөөний байдлаар Баянзүрх дүүргийн "Х Апартмент 1" байрны Сууц өмчлөгчдийн холбооны дөрвөн ажилтны PCR шинжилгээний хариу “Эерэг” гараад байгаа аж. Иймд тухайн байрыг болон халдвар илэрсэн иргэний амьдардаг тус дүүргийн 16 дугаар хорооны "Офицер Таун" хотхоныг хамгаалалтад аваад байна. Оршин суугчдыг яаралтай шинжилгээнд хамруулж эхлээд байгааг Баянзүрх дүүргийн Онцгой комисс мэдээллээ.

Энэ сарын 27-ны байдлаар нийслэлийн хэмжээнд Баянгол дүүрэг, Баянзүрх дүүрэг, Сонгинохайрхан дүүрэг, Сүхбаатар дүүрэг болон Чингэлтэй дүүргийн 17 хороонд хэсэгчилсэн хязгаарлалт тогтоогоод байна. Өнөөдрийн байдлаар улсын хэмжээнд “COVID-19”-ийн батлагдсан нийт тохиолдол 1692 боллоо.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com