ОХУ-ын төв банкны ерөнхийлөгчийн албан тушаалыг хүлээн аваад буй Эльвира Набиуллина “Төв банк эдийн засгийн өсөлтийг эрчимжүүлэхийн тулд зээл олголтыг нэмэгдүүлэх зэрэг шинэ аргыг хэрэглэнэ” гэж мэдэгдлээ. Тодруулбал тэрбээр “Богино хугацаанд эрэлтийг нэмэгдүүлэх зорилгоор бодлогын хүүг бууруулах нь ноцтой сөрөг үр дагавар дагуулах сонголт байх болно. Төв банк инфляцийг бууруулж, санхүүгийн зах зээлийг хөгжүүлэх замаар эдийн засгийн өсөлтийг нэмэгдүүлэх зорилтыг биелүүлэх ажилд хувь нэмрээ оруулж байгаа” гэсэн байна. Түүнчлэн Төв банк бодлогын хүүгийн талаар шийдвэр гаргахдаа улс төр болон түр зуурын хүчин зүйлд автагдах ёсгүй гэж Эльвира Набиуллина онцолжээ. Ерөнхийлөгч Владимир Путины эдийн засгийн ахлах зөвлөхөөр ажиллаж байсан Набиуллина Төв банкны ерөнхийлөгчийн албыг хүлээн авч байгаа энэ үед хойд хөршийн эдийн засгийн өсөлт 2009 оны хямралаас хойшхи хамгийн доод түвшиндээ хүрсэн бол инфляци 21 сарын дээд хэмжээндээ хүрч өсчээ. Үүнээс гадна Оросын Төв банк өнгөрсөн есдүгээр сард бодлогын хүүгээ 0.25 хувиар нэмэгдүүлсэн юм.

Э.Анхбаяр

Холбоо барих: Ankhbayar.e@bloombergtvmongolia.com

Tsatsralt.b@bloombergtvmongolia.com