“Google” компани эд ангийг нь солих боломжтой ухаалаг гар утасны стратегиа өөрчилж, анх танилцуулснаасаа харьцангуй энгийн загвар худалдаалахаар боллоо. Шинэчилсэн “Project Ara” гар утасны үндсэн дэлгэц, процессорыг солих боломжгүй болсон байна. “Google”-ээс мэдэгдэхдээ "Үндсэн эд ангиудыг солих боломжийг хассанаар илүү өвөрмөц үүрэгтэй хэсгүүд суурилуулах боломж бүрдсэн" гэжээ. Тухайлбал чихрийн шижин өвчтэй хүмүүс “Project Ara” загварын гар утсандаа нэмэлт модуль суулгаснаар цусан дахь глюкозын түвшинг хэмжих боломжтой болжээ. Харин “IHS Technology”-ийн шинжээчид "Хэрэглэгчид илүү жижиг, хурдан, зөөврийн төхөөрөмжийг илүүд үзэх болсноор үндсэн ангиудыг аль болох нэгтгэж эзлэхүүнийг багасгах шаардлагатай болсон" гэж дүгнэсэн байна.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com