Чилийн хорих газрын удирдлагууд зарим хоригдлуудын өдөр тутам хийх ажил үүргийн хуваарьт өөрчлөлт оруулж, тэднийг амны хаалтын үйлдвэрлэлд дайчилсан байна.

Сантиагогийн хорих газрын арван хоригдол дөрөвдүгээр сараас эхлэн амны хаалт оёж эхэлсэн талаар тус улсын Хууль зүйн яам мэдээлжээ. Одоогоор хэдийн 2400 гаруй амны хаалт үйлдвэрлээд байгаа аж. Хамгийн багадаа найман хорих газарт 50 мянган амны хаалт үйлдвэрлэх зорилт тавьсан байна. Төлөвлөгөөт ажлын хүрээнд хорих газрууд оёдлын машин, цахилгаан таслагч зэрэг шаардлагатай тоног төхөөрөмжөөр тоногложээ.

Хоригдлуудыг дайчлахаас өмнө гар урлалын сургалтад хамруулж, мөн бэлэн болсон амны хаалтуудыг цааш түгээхээс өмнө ариутгаж байгаа аж. Хорих газарт “COVID-19” халдвар тархахаас сэргийлэх үүднээс эдгээр амны хаалтуудыг хоригдлууд болон хорих газрын ажилчдад өгч байгаа юм байна.

Б.Ариунболд | @Ariunbold_Bat

Холбоо барих: ariunbold.b@bloombergtvmongolia.com

minjma.g@bloombergtvmongolia.com