“COVID-19” цар тахал үл хөдлөх хөрөнгийн зах зээлд сөргөөр нөлөөлж, дэлхийн томоохон хотуудад тансаг зэрэглэлийн үл хөдлөх хөрөнгийн үнэ I улиралд буурлаа.

Зургийг: bloomberg.com

Нью-Йорк, Лондон, Хонгконг, Ванкувер, Сингапур зэрэг хотод өндөр зэрэглэлийн орон сууцны үнэ оны эхний гурван сард өмнөх оны мөн үеэс хямдарсан гэж “Knight Frank” компани мэдээлжээ. Улирлын өөрчлөлтийг харвал өсөлт хамгийн доогуур байгаа таван хот бүгд Азийн хотууд байгаа ажээ.

Харин Их Британи, АНУ зэрэг барууны оронд цар тахал арай хойно тархсан учир II улирлын үзүүлэлтээс цар тахлын нөлөө илүү бодитой харагдахаар байна. Түүнчлэн аялал, жуулчлал зогссон байгаа энэ үед дэлхийн тансаг зэрэглэлийн орон сууцны зах зээл бүхэлдээ зогсонги байдалд байна гэж “Knight Frank” таамаглажээ.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com