Цар тахал газар авч буй Их Британи засаглалын хямралтай тулгараад байна. Ням гарагт эмнэлэгт хүргэгдсэн Ерөнхий сайд Борис Жонсоны биеийн байдал хүндэрч, даваа гарагийн үдээс хойш эрчимт эмчилгээнд шилжсэнийг мэдээллээ.

Ингэснээр түүний Засгийн газар бодлогын арга хэмжээгээ хэвийн үргэлжлүүлэхэд бэрхшээлтэй болж, том сорилттой тулгарч байна гэж ажиглагчид дүгнэж эхэлжээ. Одоогоор Ерөнхий сайдын өмнөөс үүрэг гүйцэтгэх даалгаврыг Гадаад хэргийн сайд Доминик Рааб хэрэгжүүлж байна. "Борис Жонсоны өгсөн зааврын дагуу арга хэмжээнүүдийг цаг алдалгүй авахад анхаарч байгаа" гэж Доминик Рааб мэдэгдээд байна.

Тус улс эмнэлгийн албан хаагчид болон амьсгалын аппарат, амны хаалтын хомсдолыг шийдвэрлэхэд анхаарч ажиллаж байгаа аж. Бүх нийтийн хэмжээнд хөл хорио зарлаад байгаа Их Британид шинэ төрлийн “коронавирус”-ийн улмаас нас баралт 5000 даваад байна. Цаашлаад ирэх 10 өдөрт огцом нэмэгдэх тооцоо гарчээ.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com