Зургаадугаар сарын нэгний өдөр 212 хүнд шинэ төрлийн “коронавирус”-ийн шинжилгээ хийхэд хариу нь “Сөрөг” гарч халдвар илрээгүй болохыг ХӨСҮТ мэдээллээ.

Үүнд тавдугаар сарын 14-нд Истанбул-Улаанбаатар чиглэлийн тусгай үүргийн нислэгээр ирсэн зорчигчид болон тусгаарлагдах байранд байгаа есөн хүний давтан шинжилгээ багтжээ. Мөн Алтанбулаг боомтоор орж ирсэн ачаа тээврийн жолооч нарын шинжилгээнд шинэ төрлийн “коронавирус” илрээгүй байна.

Өнөөдрийн байдлаар Монгол Улсад шинэ төрлийн “коронавирус”-ийн батлагдсан тохиолдлын тоо 185, эдгэрсэн 44 эмчилгээнд 141, тусгаарлан ажиглах байранд 1792 иргэн байна. Нийт 15 мянга 300 гаруй хүнд шинэ төрлийн “коронавирус”- шинжилгээ хийсэн талаар ХӨСҮТ мэдээллээ. Ингэхдээ халдвар авсан хүмүүс нууц үеийн төгсгөл үедээ оношлогдож байгааг онцолж байна.

Монгол Улсад “COVID-19”-ийн халдвар авч батлагдсан тохиолдлын дунд 5-15 насны таван хүүхэд байгаа ажээ.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com