Сүүлийн 24 цагийн хугацаанд “COVID-19”-ийн халдварын шинэ тохиолдол нэмж бүртгэгдээгүй, өнөөдрийн байдлаар 986 хүн ажиглалтад байна гэж ХӨСҮТ мэдээллээ.

Дотоодод бүртгэгдсэн 42 хүний 14 нь эдгэрснээр 28 хүн эмчилгээ хийлгэж байна. Биеийн байдал нь тогтвортой, дунд, хоёр хүний биеийн байдал хүндэвтэр байгаа талаар ХӨСҮТ мэдээлэв. Мөн гадаадад халдвар авсан 30 иргэний 13 нь эдгэрсэн гэж Эрүүл мэндийн яам онцоллоо. Үүнээс гадна Улсын онцгой комисс удахгүй БНЭУ, БНТУ, БНСУ руу тусгай үүргийн нислэг үйлдэхээр төлөвлөөд байна. Гэхдээ тов нь хараахан гараагүй байгаа юм.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com