Олон улсад “коронавирус” болон томууны вирусээр давхар өвчилсөн тохиолдол нэмэгдэж байгаагаас “Flurona” гэх нэр томьёо гараад байна.

Өнөөдрийн байдлаар Монгол Улсад COVID-19 болон томуу төст өвчнөөр аль алинаар нь хавсран өвчилсөн тохиолдол гараагүй гэж ХӨСҮТ мэдээллээ. Монгол Улсын хувьд ханиад томууны улирал эхлэхээс өмнө улирлын ханиадны эсрэг 360 мянган тун вакцин хийсэн байна. Одоогоор 10 мянган хүн тутам дахь томууны өвчлөл нийслэлд 10.2 хувьтай байгаа аж.

COVID-19-ийн халдварын тархалттай зэрэгцэн томууны өвчлөл ихсэж байгаагаас эмнэлгүүдийн ачаалал нэмэгдэх эрсдэлтэй байгааг Эрүүл мэндийн яам онцоллоо.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com