Гуравдугаар сарын 16-ны өдөр Алтанбулаг боомтоор хил нэвтэрсэн тээврийн жолоочийн “COVID-19”-ийн шинжилгээний хариу “Эерэг” гараад байгаа бөгөөд түүний ойрын хавьтал буюу нэг тээврийн хэрэгслээр хамт ирсэн хүнээс шинэ төрлийн “коронавирус” илэрлээ.

Ингэснээр Монгол Улсад шинэ төрлийн "коронавирус"-ийн батлагдсан 35 тохиолдол бүртгэгдэж байна. Нийт халдвар авсан хүмүүсээс найм нь эдгэрч, 27 хүн эмчлүүлж байгаа юм.

Харин дөрөвдүгээр сарын найманд БНСУ-аас тусгай үүргийн нислэгээр ирсэн 288 зорчигчийн давтан шинжилгээний хариу “Сөрөг” гарчээ.

Түүнчлэн дотоодод "COVID-19"-ийн халдвар тархвал 150-300 мянган хүн өвчлөх эрсдэлтэй байгааг ХӨСҮТ-ийн Тандалт судалгааны албаны дарга А.Амбасэлмаа “Өнөөдөр” сонинд өгсөн ярилцлагадаа дурджээ. Үүнээс гадна "Өвчний хүнд үед шаардагдах 500 орчим амьсгалын аппаратын нөөц байгаа, энэ нь өвчин эхлэх хүртэл "тэснэ", түүнээс цааш хүрэхгүй" гэж тэрбээр онцоллоо.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com