Дөрөвдүгээр сард БНХАУ-ын үйлдвэрлэлийн гарц өмнөх оны мөн үеэс 2.9 хувиар буурсан байна. COVID-19-ийг үл тэвчих бодлогын улмаас дөрөвдүгээр сард БНХАУ-ын үйлдвэрлэлийн гарц болон хэрэглэгчийн зарцуулалт цар тахал эхэлснээс хойших доод түвшинд хүрлээ.

БНХАУ-ын эдийн засаг ойрын хугацаанд сэргэх төлөвгүй байгааг шинжээчид анхааруулж байна.

Тодруулбал: дөрөвдүгээр сард БНХАУ-ын үйлдвэрлэлийн гарц өмнөх оны мөн үеэс 2.9 хувиар, жижиглэн худалдаа 11 хувиар буурчээ. Түүнчлэн ажилгүйдлийн түвшин 6.1 хувьд хүрч, залуучуудын ажилгүйдлийн түвшин дээд цэгтээ хүрсэн байна.

COVID-19-ийн халдварын тархалтыг бууруулахын тулд албаныхан Шанхай зэрэг томоохон хотод хэдэн долоо хоног хатуу хөл хорио тогтоосон нь БНХАУ-ын эдийн засагт томоохон цохилт болжээ. Хөл хорионы улмаас хэрэглэгчдийн зарцуулалт буурч, үйлдвэрүүд хаагдаж, нийлүүлэлтийн сүлжээ тасалдсан байна.

Эдийн засгийн өсөлт нь эрс удаашраад байгаа ч БНХАУ-ын Төв банк бодлогын хүүгээ бууруулахаас татгалзаж байгаа юм. Энэ нь БНХАУ-ын Төв банк валютын ханшийг сулруулж, хөрөнгийн урсгал буурахад санаа зовж байгааг харуулж байна.

Э.Мишээлт

Холбоо барих: misheelt.e@bloombergtvmongolia.com

minjma.g@bloombergtvmongolia.com