БНХАУ-ын Төв банкны бодлогын хүү өнгөрсөн зургадугаар сараас хойш байгаагүй огцом өссөний дараа тус банк зарим сонгосон зээлдүүлэгчдэд их хэмжээний бэлэн мөнгө нийлүүллээ. Энэ удаагийн бэлэн мөнгө нийлүүлэх үйл ажиллагааны талаар БНХАУ-ын Төв банк дэлгэрэнгүй мэдээлэл хараахан хийгээгүй байна. Нийт 200 тэрбум юанийн нийлүүлэлт хийгдсэн талаар зарим  эх сурвалж мэдээлж байгаа юм. БНХАУ-ын Үндэсний Банк хоорондын Сангийн Төвийн мэдээлснээр тус улсын Төв банкны бодлогын хүү 140 нэгжээр өсч, 6.60 хувьд хүрчээ. Үүнээс өмнө зургадугаар сард бодлогын хүү огцом буюу 270 нэгжээр өсч, түүхэн дээд хэмжээ болох 10.77 хувьд хүрч байсан аж. Бодлогын хүү огцом өсөх нь зах зээлд хор хөнөөл дагуулдаг талаар шинжээчид онцолж байгаа юм. Энэ утгаараа нөхцөл байдлаас хамаарч БНХАУ-ын Төв банк зах зээлд үзүүлэх дэмжлэгээ үргэлжүүлнэ гэдгээ мэдэгдээд байна. 

Б.Батманлай 

Холбоо барих: batmanlai.b@bloombergtvmongolia.com 

minjma.g@bloombergtvmongolia.com