Өнгөрсөн сард Хятадад юаниар олгосон зээлийн хэмжээ 624.6 тэрбумд хүрч өссөн талаар Хятадын ардын банкнаас өнөөдөр мэдэгдлээ. Энэ нь Блумбергийн 41 эдийн засагчийн дунд явуулсан судалгааны дундаж болох 580 тэрбум юанийн таамаглалаас давсан үзүүлэлт болсон байна. Ингэснээр 11 дүгээр сард олгосон нийт зээлийн хэмжээ 1.23 их наяд юаньд хүрч байгаа төдийгүй мөнгөний нийлүүлэлт 14.2 хувиар өсөөд байгаа аж. Хэдийгээр 11 дүгээр сарын мөнгө, зээлийн үзүүлэлтүүд шинжээчдийн таамгаас давж өссөн боловч аравдугаар сард мөнгөний нийлүүлэлтийн жилийн өсөлт 14.3 хувьтай байсан юм. Ийнхүү Хятадын зээлийн өсөлтийн хурд таамагласнаас сайн байгаа нь цаашид өсөх хандлагыг харуулж байна гэж эдийн засагчид үзсэн байна. Дашрамд дурдахад, БНХАУ-ын удирдлагууд энэ долоо хоногт уулзаж, 2014 оны эдийн засгийн өсөлтийн төлвийг бууруулах эсэхийг хэлэлцэхээр болоод байгаа юм. 

З.Энхболор 

Холбоо барих: Enkhbolor.z@bloombergtvmongolia.com

Munkhjin.ts@bloombergtvmongolia.com