Эрдэс баялгийн салбар оны эхний таван сард Монгол Улсын төсвийн нэгдсэн орлогын 22.5 хувийг бүрдүүлсэн байна. Тухайлбал: нийт 1.46 их наяд төгрөгийг татвар, хураамж хэлбэрээр төвлөрүүлжээ.

Уул уурхай, олборлолтын салбар 1.43 их наяд төгрөг буюу төсвийн нийт орлогын 22 хувийг бүрдүүлсэн байна. Тайлант хугацаанд нүүрснээс 503.9 тэрбум төгрөг төвлөрүүлжээ. Төвлөрүүлсэн орлогын хэмжээ өмнөх оны мөн үеэс 35 хувиар өссөн байна.

Нүүрсний экспортын биет хэмжээ оны эхний таван сард өмнөх оны мөн үеэс 33.7 хувиар буурсан ч төсөвт төвлөрүүлсэн орлогын хэмжээ өсжээ.

Гаалийн ерөнхий газрын мэдээллээр өнгөрсөн онтой харьцуулахад нүүрсний үнэ өндөр байгаатай холбоотойгоор экспортын дүн эсрэгээрээ 82.6 хувиар өссөн байна.

Нүүрснээс гадна алт, цайрын улсын төсөвт төвлөрүүлсэн орлого өссөн аж. Харин зэс, төмөр, хайлуур жоншных 48.3-79 хүртэлх хувиар буурчээ.

С.Өнөрсайхан |@unursaikhan_sor

Холбоо барих: unursaikhan.s@bloombergtvmongolia.com

minjma.g@bloombergtvmongolia.com