“Алтан ширээт” үйлдвэрлэл, технологийн парк 2025 онд ашиглалтад орох товтой байгааг Уул уурхай, Хүнд үйлдвэрийн яам мэдээллээ.

Дорноговь аймгийн Алтанширээ сумын нутагт нийт 140 га талбайг хамрах энэ технологийн паркт төмрийн хүдрийн нойтон баяжуулах үйлдвэр, нүүрс угаах үйлдвэр, коксын үйлдвэр гэх мэт дагалдах үйлдвэрүүд багтаж байгаа аж.

Жилд хоёр сая тонн хүдэр баяжуулах чадалтай төмрийн хүдрийн нойтон баяжуулах үйлдвэр 2021 оны есдүгээр сард ашиглалтад орсон юм. Ингэснээр төмрийн хүдрийг дотооддоо боловсруулж, түүхийгээр экспортлох хэмжээ буурна гэж үзэж байна.

Монгол Улс 2021 онд 7.1 сая тонн төмрийн хүдэр экспортолжээ. Экспортын биет хэмжээ 13.3 хувиар буурсан ч нийт дүн 48.8 хувиар өсөж, 952 сая ам.доллар болсон байна.

С.Өнөрсайхан | @unursaikhan_sor

Холбоо барих: unursaikhan.s@bloombergtvmongolia.com

minjma.g@bloombergtvmongolia.com