Үндсэн хуулийн цэц сонгуулийн хувь тэнцүүлсэн тогтолцоог хүлээн зөвшөөрснийг УИХ-ын гишүүн Т.Доржханд мэдээллээ. Өөрөөр хэлбэл сонгуулийн тогтолцоог Үндсэн хуулиар тогтоох бус УИХ бүрэн эрхийнхээ хүрээнд сонгон хуульчлахаар болж байна.

Сонгуулийн тогтолцоонд пропорциональ элемент орох нь тодорхой болсноор Монгол Улс нэг том тойрог болж байна. Мөн пропорциональ тогтолцоотой болсноор санал гээгдэхгүй гэдгийг онцоллоо. Хэдий тийм боловч Үндсэн хуулийн нэмэлт өөрчлөлт хэвдээ явахыг тодотгож байна.

Үүнээс гадна Парламентын гишүүний тоог 150-152 болгох хувилбарыг судлаачид санал болгож байгааг УИХ-ын гишүүн Т.Доржханд мэдээллээ. Парламентын гишүүний тоог нэмэгдүүлсэн тохиолдолд Парламентын гишүүн Засгийн газрын гишүүнээр давхар ажиллаж болох асуудал хөндөгдөж байгаа аж.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com