Тавдугаар сарын урьдчилсан гүйцэтгэлээр төсвийн тэнцвэржүүлсэн тэнцэл 539 тэрбум төгрөгийн алдагдалтай гарлаа. Алдагдал өмнөх оны мөн үеэс 1.6 дахин бага байна.

Тайлант сард төсвийн тэнцвэржүүлсэн орлого, тусламжийн хэмжээ 1.1 их наяд төгрөг болж, өмнөх сараас 10 хувиар буурчээ. Харин татварын нийт орлого өмнөх оны мөн үеэс 22.9 хувиар өссөн байна. Төсвийн орлогын 73.6 хувийг татварын орлого бүрдүүлжээ. Татварын орлогын эзлэх хувь өмнөх оны мөн үеэс 8.2 нэгж хувиар өссөн байна.

Харин нийт зарлага, эргэн төлөгдөх цэвэр зээлийн хэмжээ он гарсаар 6.5 их наяд төгрөг болж, өмнөх оны мөн үеэс таван хувиар өссөн байна. Урсгал зардал 12.8 хувиар өссөн нь нийт зарлагын өсөлтөд нөлөөлжээ.

Олон улсын үнэлгээний “Fitch Ratings” агентлаг 2022 онд Монгол Улсын төлбөрийн тэнцлийн алдагдал дотоодын нийт бүтээгдэхүүний 16.3 хувьд дүйцэх түвшин гэж тооцоолж байгааг мэдээлж байсан юм. Мөн нийт гадаадын өр дотоодын нийт бүтээгдэхүүний 167 хувьтай дүйцнэ гэж тооцоолжээ. Гадаад өрнөөс хамааралтай байдал нь олон улсын хөрөнгө оруулагчид Монголыг сонирхох сонирхол буурахад нөлөөлнө гэж үзсэн байна.

Үүнээс гадна Монгол Улсын Хөгжлийн банкны гадаад бондын өр төлбөр буюу 2023 онд барагдуулах 800 сая ам.доллар гэх мэт төсөвт дарамт учруулж болзошгүй өр төлбөр нь өрийн дарамтыг мөн л нэмэгдүүлж болзошгүй гэдгийг Дэлхийн банк мэдээлж байсан юм.

Сангийн дэд Сайд С.Мөнгөнчимэг

Мандал санхүүгийн нэгдлийн Ерөнхий эдийн засагч Г.Батзориг

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com