Оны эхний улирлын байдлаар Улаанбаатар хотод нийт 8864 айлын амины орон сууцны 139 төсөл хэрэгжиж байна. Үүнээс 83.4 хувь нь захиалга авч байгаа бол 10 хувь нь зогссон, 6.7 хувь нь захиалга авч эхлээгүй байгааг “Тэнхлэг зууч” мэдээллээ.

Багтаамжийн хувьд 47 төслийн 1778 айлын амины орон сууц ашиглалтад орсон бол 69 төслийн 5534 айлын амины орон сууц захиалгын явцдаа байна.

Сүүлийн таван жилийн хугацаанд амины орон сууцны зах зээл хэд хэдэн шалтгааны улмаас эрчимтэй тэлэх болсныг салбарынхан онцолж байгаа юм. Тухайлбал: Улаанбаатар хотын газар хөдлөлийн давтамж нэмэгдсэн, агаарын бохирдол зорилтот түвшинд хүрч буурахгүй байгаа зэрэг нь зах зээл тэлэх үндсэн шалтгаан болжээ.

“Хайбрид хаус” ХХК-ийн Гүйцэтгэх захирал Ц.Бат-Эрдэнэ

Мөн дунджаас дээгүүр үнэтэй амины орон сууцны төслүүд бүгд төвийн шугамд холбогдож, зогсоол, ногоон байгууламж зэрэг үндсэн хэрэгцээг хамтад нь шийдэж өгсөн байна.

I улирлын байдлаар амины орон сууцны нэг м.кв талбайн дундаж үнэ 3.8 сая төгрөг байгаа нь өмнөх улирлаас 5.6 хувиар, 2021 оны мөн үеэс 22.7 хувиар өссөн дүн боллоо.

Сүүлийн нэг жилийн хугацаанд Сонгинохайрхан дүүрэгт хэрэгжиж буй амины орон сууцны төслийн дундаж үнэ хамгийн өндөр буюу 71 хувиар, Сүхбаатар дүүрэгт 58 хувиар өссөн дүнтэй байна.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com