2021 оны хоёрдугаар сарын байдлаар Улаанбаатар хотод 2000 оноос хойш ашиглалтад орсон орон сууцны нэг метр квадратын дундаж үнэ 2.25 сая төгрөг болсныг “Тэнхлэг зууч” мэдээллээ.

Энэ нь өмнөх сараас 0.13 хувиар, өмнөх оны мөн үеэс 15.9 хувиар өссөн үзүүлэлт болж байна.

Чингэлтэй дүүрэгт хоёрдогч зах зээлийн орон сууцны худалдах дундаж үнэ өмнөх сараас 8.1 хувиар, жилийн өмнөхөөс 21.9 хувиар өссөн нь анхаарал татаж байна.

Харин Сүхбаатар дүүргийн хувьд өмнөх сараас 3.1 хувиар буурсан ч жилийн өмнөхөөс 42.9 хувиар өссөн нь хамгийн өндөр өсөлтөд тооцогдож байна.

2000 оноос өмнө ашиглалтад орсон орон сууцны худалдах дундаж үнэ өмнөх сараас 2.5 хувиар, жилийн өмнөхөөс 3.4 хувиар буурсан байна.

Түүнчлэн түрээсийн хувьд дундаж үнэ хоёрдугаар сард өнгөрсөн сараас 4.7 хувиар буурсан бол өмнөх оны мөн үеэс 17.2 хувиар өссөнийг “Тэнхлэг зууч” мэдээллээ.

Б.Цацралт

Холбоо барих: tsatsralt.b@bloombergtvmongolia.com

minjma.g@bloombergtvmongolia.com