Аравдугаар сарын байдлаар нийслэлд 68.4 мянган айлын шинэ орон сууцны 384 төсөл хэрэгжиж байгааг “Тэнхлэг зууч” мэдээллээ. Үүнээс 264 төсөл захиалга авч байгаа бол 90 нь захиалга авч эхлээгүй байна.

Захиалга авч буй нийт орон сууцны дийлэнх буюу 48.7 хувь нь Хан-Уул дүүрэгт хэрэгжиж байгаа бол Баянзүрх дүүрэгт 13.3 мянган айлын шинэ орон сууцны төсөл хэрэгжиж байна.

Шинэ орон сууцны дийлэнх нь стандарт зэрэглэлд хамаарч байгаа аж. Харин 21.6 хувь нь бизнес зэрэглэлд хамрагдаж, өнгөрсөн оны мөн үеэс 1.5 пунктээр өсжээ.

Бизнес зэрэглэлд хамрагдах шинэ орон сууцны талбайн дундаж үнэ 3.07 сая төгрөг байна.

Төвийн бүсэд хэрэгжиж буй шинэ орон сууцны дундаж үнэ нэг метр квадрат нь 3.4 сая төгрөг болж, өмнөх сараас нэлээд буурчээ. Харин урд бүсэд хэрэгжиж буй шинэ орон сууцны дундаж үнэ 3.9 сая төгрөг байна.

Э.Одончимэг

Холбоо барих: odonchimeg.e@bloombergtvmongolia.com

minjma.g@bloombergtvmongolia.com