Бямба гарагт Турк улсын Ерөнхийлөгч 10 улсын Элчин сайдыг улсаасаа хөөж байгаагаа мэдэгдсэний дараа лирагийн ханш шинэ доод цэгтээ хүрч суларлаа.

Сүүлийн арилжаагаар лирагийн ам.доллартой харьцах ханш 2.12 хувиар суларч, хослол 9.8 болсон байна. Ийнхүү гурван өдөр дараалан буурч, доод цэгт хүрлээ.

Үүнээс гадна өнгөрсөн долоо хоногт Туркийн Төв банк бодлогын хүүгээ 200 суурь нэгжээр бууруулсан зэрэг нь ханш сулрах гол хүчин зүйл болж байна.

Он гарсаар лирагийн ханш ам.долларын эсрэг 23 хувиар сулраад байгаа юм. Өөрөөр хэлбэл хөгжиж буй орнуудын валютууд дундаа хамгийн тааруу үзүүлэлттэй байна.

М.Эрхэс | @ErkhesMunkhbat

Холбоо барих: erkhes.m@bloombergtvmongolia.com

minjma.g@bloombergtvmongolia.com