Үл хөдлөх хөрөнгийн агентууд цар тахал дэгдсэнээр орон сууцны зах зээл намжина гэсэн хүлээлттэй байсан ч Канадын Торонто хотод орон сууцны үнэ 2021 онд шинэ дээд түвшинд хүрч, нэг сая канад доллар даваад байна.

Орон сууцны зах зээл олон жилийн турш идэвхтэй байхад цагаачилж ирсэн иргэдийн урсгал гол хүчин зүйл болж байгаа аж. Цар тахлаас өмнө тус улс жилд 300 мянган иргэн хүлээн авдаг байжээ. 2020 онд гаднаас ирэх иргэдийн тоо буурсан ч моргейжийн зээлийн хүү 1.97 хувь болж огцом буурсан нь зах зээл эрчимжихэд нөлөөлжээ.

Үүнээс гадна орон сууцны үнэ өсөхийн хэрээр иргэдийн худалдан авах чадвар муудаж байна. Худалдан авах чадвартай харьцуулахад үл хөдлөх хөрөнгийн үнэ өндөр хотуудын жагсаалтад Ванкувер хоёрдугаарт, Торонто тавдугаарт бичигджээ. Зах зээлийн хөөсийг хагалахад Засгийн газрын оролцоо шаардлагатай байгааг шинжээчид онцолж байна.

Канадын Ерөнхий сайд болон Торонто хотын захирагч нар татварын шинэ арга хэмжээ хэрэгжүүлэхээр төлөвлөж байгаа ажээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com