Технологийн дэвшил үйлдвэрлэлийн салбарт нэвтрэхийн хэрээр уламжлалт үйлдвэрлэлийн хэв маяг өөрчлөгдөж байна. “Global Shapers”-ийн жил бүрийн судалгааны тайлангаас харахад оролцогчдын 86 хувь нь буюу 1834 нь технологи ажлын байрыг “нэмэгдүүлж" байгаа гэсэн бол 14 хувь нь буюу 294 нь ажлын байрыг "үгүй хийж байна" гэж хариулжээ. Энэхүү судалгааг 2000 гаруй хүний дунд явуулсан аж. Мөн "Технологи нэвтэрснээр хэдий үйлдвэрлэлийн ажлын байрны тоо буурч болох ч ажилтан бүрийн бүтээмж нэмэгдэж, ажил олгогчийн хувьд зардлаа хэмнэх давуу талтай" гэж Дэлхийн Эдийн Засгийн Чуулга Уулзалтаас онцолсон байна. Үүнээс гадна гурван хэмжээст хэвлэгч, өндөр түвшний роботик, интернэт, хиймэл оюун, зүүж хэрэглэх ухаалаг төхөөрөмж, виртуал болон баяжуулсан дүрслэл зэрэг шинэ төрлийн технологи үйлдвэрлэлд шинэ үнэ цэнийг бий болгож, үр бүтээмжийг огцом нэмэгдүүлэх боломж олгож байгаа юм.

"Энэхүү үнэ цэнэ өөрөө бодит зүйл. Дэлхийн хэмжээнд томоохон үйлдвэрлэгчид үйл ажиллагааны горимоо шинэчилж, нөөц, эрчим хүч болон усны хэрэглээ, аливаа осол аваарыг бууруулж чадсанаар зардлаа нийт 30 хувиар бууруулсан" болохыг Дэлхийн Эдийн Засгийн Чуулга Уулзалтаас мэдээллээ.

Г.Ану

Холбоо барих: Anu.g@bloombergtvmongolia.com

Tsatsralt.b@bloombergtvmongolia.com