Баасан гарагийн байдлаар нэг ам.доллар 86 афганитай тэнцэж байна. Олон улсад өрнөж буй нөхцөл байдалтай холбоотойгоор Афганистаны мөнгөн тэмдэгтийн ханш ам.долларын эсрэг огцом суларчээ.

Хэдий тийм боловч наймдугаар сарын 17-ноос хойш ам.доллар афганигийн хослол 86 нэгжид тогтворжоод байна. Афганистаны нийслэл Кабул хотыг талибууд эзлэх үед афганигийн ханш ам.долларын эсрэг 4.6 хувиар суларч, 86 нэгжид хүрчээ. Өөрөөр хэлбэл наймдугаар сарын 13-17-ны хооронд афганигийн ханш 6.6 хувиар суларсан юм. Сүүлийн нэг жилд афгани ам.долларын эсрэг 12 хувиар сулраад байна.

Афганистаны Төв банканд байршиж буй 9.5 тэрбум ам.долларын хөрөнгийг АНУ царцаагаад байгаа юм. Үүнээс гадна афганигаар олон улсын худалдаанд оролцож, гүйлгээ хийх боломжгүй болоод байгаа ажээ.

С.Өнөрсайхан | @unursaikhan_sor

Холбоо барих: unursaikhan.s@bloombergtvmongolia.com

minjma.g@bloombergtvmongolia.com