Хонконгийн Хөрөнгийн биржид бүртгэлтэй “Петрочайна” компани ирэх онд газрын тосны хоёр үйлдвэр нээхээр төлөвлөж байсныгаа хойшлуулжээ. Жилд 10 сая тонн газрын тос боловсруулах хүчин чадалтай “Kunming” үйлдвэрийг 2016 онд ажиллуулж эхлэх бол 2017 онд “Jie-yang” үйлдвэрийг ашиглалтад оруулахаар болсон байна. Үүнтэй зэрэгцээд БНХАУ-ын газрын тосны нийлүүлэлт 2020 он гэхэд эрэлтээсээ 34 сая тонноор давна гэж тооцоолжээ. "Петрочайна” компани Монгол Улсын Газрын тосны газартай хамтран Монголын зах зээлд "Монгол-93" шатахууныг нийлүүлж байгаа юм. Энэ онд сар бүр 4-10 мянган тонн "Монгол-93" шатахуун нийлүүлсэн бол ирэх оноос сард 30-40 мянган тонн шатахуун нийлүүлэхээр төлөвлөж байгаа ажээ. 

Т.Элиса 

Холбоо барих: elisa.t@bloombergtvmongolia.com

minjma.g@bloombergtvmongolia.com