Өрнө-Дорнын тээврийн коридорыг Монгол Улс болон БНХАУ-ын нутаг хүртэл сунгахаар байгааг ОХУ-ын TASS агентлаг мэдээллээ.

Тодруулбал: Өрнө-Дорнын коридорыг Сибирийн газар нутгаар дамнуулан Монгол болон БНХАУ руу сунгана гэж Сибирийн Олон улсын тээврийн форумын үеэр ОХУ-ын Ерөнхий сайдын орлогч Марат Хуснуллин мэдэгдсэн байна. Мөн тэрбээр "Эхний ээлжид замын чиглэлийг Урал руу ойртуулж, дараа нь Челябинскээс Тюмень муж руу өргөтгөхөөр тооцоолсон. Үүний дараа Ерөнхийлөгчийн баталснаар Омск, Новосибирск, Эрхүү, Чита, Горно-Алтайскийн замыг дөрвөн эгнээтэй болгон өргөтгөж, БНХАУ, Монгол Улсын хилийг чиглүүлнэ" гэжээ.

Энэ зам нь салаа эгнээгээр Беларус болон Казахстан улстай холбогддог аж. Цаашид өргөтгөснөөр тээврийн коридорын урт 7000 км хүрэхээр байгаа юм.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com