ОХУ-ын Төвбанк инфляцийн зорилтот түвшингээ хангах үүднээс Төв банкны бодлогын хүүг энэ жилдээ тогтвортой түвшинд хадгалахаар болж байна. Өнгөрсөн баасан гарагт Москвад болсон Төвбанкны уулзалтаар нэг долоо хоногийн хугацаатай "аукцион" хүүгийн хэмжээг 5.5 хувьд, улирлаар тооцсон хөвөгч хүүг мөн өмнөх түвшинд нь хэвээр хадгалах шийдвэрийг тус тус гаргажээ. Үүнээс гадна зах зээлийн бус хөрөнгөөр баталгаажсан гурван сарын хугацаатай 500 тэрбум рублийн буюу 15 орчим тэрбум ам.долларын үнэт цаасыг ирэх аравдугаар сараас гаргахаар болсон байна.ОХУ-ын инфляцийн өсөлт энэ жилийн зорилтот 5-6 хувийн түвшинг аль хэдийнэ даваад байгаа юм. Тус улсын Төвбанкны бодлого тодорхойлогчдын хувьд инфляци цаашид өсөхгүй хэдий ч өндөр түвшинд хадгалагдсан хэвээр байна гэсэн хүлээлттэй байна.

Б.Батманлай

Холбоо барих:batmanlai.b@bloombergtvmongolia.com

minjma.g@bloombergtvmongolia.com