ОХУ хөл хорионы эх тахлын их хямралтай тэмцэхэд ДНБ-ий 2.8 хувьтай дүйцэхүйц хөрөнгө зарцуулахаа мэдэгдлээ. Энэ онд 40 тэрбум орчим ам.доллартой дүйцнэ. Гэхдээ Сангийн сайд нь хэвлэлд өгсөн ярилцлагадаа “27 тэрбум ам.доллар зарцуулна” гэж хэлсэн нь бага зэрэг төөрөгдөл үүсгэлээ. Гадаад валютын нөөц нь 565 тэрбум ам.доллароор хэмжигддэг ОХУ-ын Төв банк жижиг, дунд бизнест хүүгүй, Засгийн газрын батлан даалттай зээл олгохыг дэмжсэн. Энэ нь ААН-үүд үүдээ барьж ажилгүйдэл газар авахаас сэргийлэх төлөвлөгөөний цөм гэж Сангийн сайд нь хэлсэн. Төсвийн бодлогоор эдийн засгаа дэмжих арга хэмжээтэй холбоотойгоор төсвийн алдагдал энэ онд нэг их наяд рубль давахаар байгаа.

Ингэснээр төсвийн дэмжлэг, алдагдлын дүн ДНБ-ий 6.5 хувьтай дүйцэхээр байна. Хойд хөрш шаардлагатай санхүүжилт татахаар дотоодын зах зээлд 2.3 их наяд рублийн бонд гаргасан бол гурван тэрбум ам.доллароор үнэлэгдэх евробонд гаргаад байна.

Б.Дашням

Холбоо барих: dashnyam.b@bloombergtvmongolia.com

uyanga.m@bloombergtvmongolia.com