Гуравдугаар сарын 23-ны өдрийн 22.46 цагт Улаанбаатар хотоос 160 км-ийн алсад 5.5 магнитуд буюу 6-7 баллын газар хөдлөлт боллоо.

Энэ нь Говьсүмбэр аймгийн Баянтал сум орчимд хамаарч байна. Газар хөдлөлт Улаанбаатар хотын хөрсөнд 2-3 балл орчимд мэдрэгдсэн гэж Одон орон, геофизикийн хүрээлэн мэдэгдлээ. Улаанбаатар хотын орчимд хүчтэй газар хөдлөлт болоход "амжиж анхааруулах систем" бий. Энэхүү газар хөдлөлт нь систем дуугарах хэмжээний хүчтэй байгаагүй гэж мэдээлсэн юм.

Хүчтэй газар хөдлөлтийн дараа газар хөдлөлт давтан болдог байна. Тухайлбал: энэ оны нэгдүгээр сард Хөвсгөл аймгийн Ханх суманд болсон 6.5 магнитудын хүчтэй газар хөдлөлтийн дараа 40 мянган удаа газар хөдлөлт болжээ. Үүнээс 3.5 болон түүнээс дээш магнитудын хүчтэй газар хөдлөлт 180 удаа болсон байна.

Б.Бямбасүрэн |@byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com