Холбооны Бүгд Найрамдах Нигери улс дижитал хөрөнгийг зохицуулах шинэ журам танилцууллаа. Тодруулбал: Нигери улсын Үнэт цаас, биржийн хороо криптовалют шинээр гаргах журмыг нийтэлсэн байна.

Журамд арилжааны платформууд болон дижитал хөрөнгийг хамгаалахтай холбоотой зохицуулалтыг тусгажээ. Ингэснээр Африкийн хамгийн олон хүн амтай Нигери улсад крипто арилжаа хийхэд илүү тодорхой болж, арилжаа улам эрчимжихээр байгаа аж. Нийт крипто арилжааны хэмжээгээр тус улс АНУ-аас гаднах дижитал хөрөнгийн хамгийн том зах зээлд тооцогддог.

Өнгөрсөн онд тус улсын Төв банк санхүүгийн системийг эрсдэлээс хамгаалахаар арилжааны банкнуудыг криптовалютаар гүйлгээ хийхийг хориглож байсан юм.

О.Цэнгэг | @TsengegO

Холбоо барих: tsengeg.o@bloombergtvmongolia.com

minjma.g@bloombergtvmongolia.com