Үндэсний статистикийн хорооны наймдугаар сарын урьдчилсан мэдээллээр Монгол Улсын хэмжээнд хэрэглээний үнийн индекс өмнөх оны мөн үеэс 9.4 хувиар өссөн дүнтэй гарчээ. Үүнийг өмнөх сартай харьцуулбал индексийн өсөлт 1.7 хувьтай байгаа бөгөөд оны эхнээс тооцвол хэрэглээний үнийн улсын индекс 6.7 хувьтай гарсан байна. Урьдчилсан мэдээллээс харвал ерөнхий индекст хамгийн их жин дардаг хүнсний бараа, согтууруулах бус ундааны бүлгийн үнэ өнгөрсөн сард өмнөх сараас даруй 2.5 хувиар буурчээ. Гэвч холбооны хэрэгсэл, шуудангийн үйлчилгээнээс бусад бүх бүлгийн үнэ өссөн дүнтэй гарсан байна. Ялангуяа боловсролын үйлчилгээний бүлэгт үнийн өсөлт 27.3 хувьтай байгаа нь ерөнхий индексийн өсөлтөд голлох нөлөөг үзүүлсэн байна. Үүнээс гадна орон сууц, ус цахилгаан болон зочид буудал, нийтийн хоолны бүлгийн үнэ 3-4 орчим хувийн өсөлттэй байгаа болохыг урьдчилсан мэдээллээс харж болохоор байна.

Б.Батманлай

Холбоо барих: Batmanlai.b@bloombergtvmongolia.com

Munkhjin.ts@bloombergtvmongolia.com