"Улаанбаатар БҮК” хувьцаат компани 2021 оны эхний хагас жилд 470 гаруй сая төгрөгийн алдагдал хүлээж байсан бол 2022 оны II улирлын цэвэр ашиг нь 6.06 тэрбум төгрөг хүрснийг мэдээллээ.

Энэ нь тус компанийн хувьд хагас жилд олсон хамгийн дээд ашиг ба үүнээс өмнө 2020 онд 5.2 тэрбум төгрөгийн ашигтай ажиллаж байжээ. 2022 оны эхний таван сарын байдлаар улсын хэмжээнд компаниуд 16 мянган метр куб төмөр бетон эдлэл үйлдвэрлэснээс тус компанийн борлуулалт 5.9 мянган метр куб байсан нь зах зээлийн 34.6 хувьтай тэнцэж байна.

Мөн “Улаанбаатар БҮК” компанийн борлуулалтын орлого 32 тэрбум төгрөгт хүрч, өмнөх оны мөн үеэс 203 хувиар өссөн байна. Орлогын өсөлтөд тус компани дотоодын төмөр замын төсөлд төмөр бетон дэр нийлүүлж байгаа нь голлон нөлөөлжээ.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com