“Би Ди Сек ҮЦК” ХК 2022 оны эхний хагас жилд 592.3 сая төгрөгийн үйл ажиллагааны орлоготой ажилласан байна. Энэ нь өмнөх оны мөн үеэс 1.9 дахин бага үзүүлэлт боллоо.

Үйл ажиллагааны орлогынх нь дийлэнх буюу 60 гаруй хувийг андеррайтерын үйл ажиллагааны орлого бүрдүүлжээ. COVID-19-ийн халдварын тархалт болон олон улсын нөхцөл байдалтай холбоотойгоор инфляц өсөж, төгрөгийн ханш суларснаар хөрөнгийн захад сөргөөр нөлөөлж байгааг мэдээлсэн юм. Иймд биржийн бус захад өндөр өгөөжтэй эрсдэл бага хаалттай бонд санал болгон ажиллаж байгааг онцолж байна.

Тус компанийн нэгж хувьцааны ханш пүрэв гарагийн арилжаа хаагдахад 1180 төгрөгт тогтвортой байлаа. Зах зээлийн үнэлгээ нь 16.1 тэрбум төгрөг байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com