Монгол Улсын Боловсролын Их Сургууль Японы Окояамагийн их сургуультай хамтран Тогтвортой хөгжлийн чиглэлээр багш бэлтгэх бакалаврын хөтөлбөр энэ оноос боловсруулж эхлэхээр боллоо.

Энэ нь хүн амын дунд уур амьсгалын өөрчлөлт, Тогтвортой хөгжлийн үзэл санааг түгээн дэлгэрүүлэхэд чухал нөлөө үзүүлэхийг Академич Б.Жадамба онцолж байна. Мөн цаашид Магистр, Докторын хөтөлбөрийг хэрэгжүүлэхийг зорьж байгаа аж.

Тогтвортой хөгжлийн багш бэлтгэх ажлыг “Алсын хараа 2050” хөтөлбөр болон UNESCO, Японы их сургуулиудын дэмжлэгтэйгээр санхүүжүүлэхээр төлөвлөж байгааг МУБИС-ийн дэд захирал Д.Мөнхжаргал мэдээллээ.

Үүнээс өмнө Монгол Улсад ойн мэргэжилтэн дутагдалтай байгаатай холбоотойгоор МУИС энэ чиглэлээр мэргэжилтэн бэлтгэх хөтөлбөрөө зарлаж байсан юм.

“Тэрбум мод” үндэсний хөдөлгөөнийг хэрэгжүүлэхэд 7000 гаруй мэргэжлийн ажилчин, 1200 инженер хэрэгтэй гэсэн тооцоо байгаа аж.

Ирээдүйд байгаль орчин, тогтвортой чиглэлээр сургууль хоорондын хамтын ажиллагаа улам идэвхжих хандлагатай байгааг МУБИС-ийн дэд захирал онцолж байна.

МУБИС-ийн дэд захирал Д.Мөнхжаргал

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com