Монгол Улсын гадаад худалдааны нөхцөлийн индекс энэ оны наймдугаар сарын эцэст 1.422 нэгж болж, өмнөх сараас 0.063 нэгжээр өслөө. Харин өнгөрсөн оны мөн үетэй харьцуулахад 0.026 нэгжээр буурсан байна. Өөрөөр хэлбэл богино хугацаанд энэ индекс өсөлт, бууралтын хооронд хэлбэлзэж байгаа ч өнгөрсөн оноос хойш гадаад худалдааны нөхцөл муудсан хандлага үргэлжилж байна. Өнгөрсөн наймдугаар сард гадаад худалдааны нөхцөлийн индекс өмнөх сараас бага зэрэг өсөхөд уул, уурхайн экспортын бүтээгдэхүүний гарц бага зэрэг нэмэгдсэн нь голлох нөлөөг үзүүлсэн байна. Тухайлбал долдугаар сард экспортын 86 хувийг уул, уурхайн бүтээгдэхүүн эзэлж байсан бол наймдугаар сард 87 хувь болж нэмэгджээ. Энэ нь нүүрсний экспорт эргээд сэргэсэнтэй холбоотой аж. Харин өнгөрсөн 2012 онтой харьцуулахад нүүрсний экспорт муудсан нь үнэ болон тоо хэмжээтэй холбоотой юм. Нефтийн бүтээгдэхүүн, үйлдвэрлэлийн орцын импортын хилийн үнэ буурч байгаа ч үүнтэй зэрэгцээд экспортын зэсийн баяжмал нүүрсний үнэ мөн буурч байгаа нь индексийг доош татаж байна.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com