Дөрөвдүгээр сард арилжааны банкнууд өөрийн эх үүсвэрээс болон Монголбанкны эх үүсвэрээс 1094 иргэнд 112.5 тэрбум төгрөгийн ипотекийн зээл олгосон байна. Үүнээс 38 орчим хувь нь жилийн зургаан хувийн хүүтэй ипотекийн зээлийн эх үүсвэрт хамаарч байгаа аж.

Тайлант хугацаанд банкнуудад нийт 1187 иргэнээс орон сууцны зээлд хамрагдах хүсэлт ирснээс 92.1 хувийг судалж, олгосон байна.

Үүнийг эх үүсвэрээр ангилж үзвэл Монголбанкны хэрэгжүүлж буй жилийн зургаан хувийн хүүтэй зээлд хамрагдах хүсэлт гаргасан иргэдийн нийт үнийн дүнгийн 73 орчим хувийг шийдвэрлэжээ.

Монголбанкны зургаан хувийн хүүтэй зээлд хамрагдах иргэдийн тоо тогтмол өсөж байгаагаас өргөдлийн 90-95 хувийг шийдвэрлэж байгааг статистик үзүүлэлтээс харж болохоор байна.

Харин гуравдугаар сарын 24-нд Монголбанк мөнгөний бодлогын хүүг нэмэгдүүлж, есөн хувьд хүргэсний дараа банкнууд өөрийн эх үүсвэрээс олгож буй зээлийн жилийн хүүгээ 20.4 хувь болгоод байна.

Мөн дөрөвдүгээр сард олгосон зээлийн өр орлогын харьцааг авч үзвэл банкнууд өөрийн эх үүсвэрээс олгож буй зээлийнх харьцангуй уян хатан буюу 43.8 хувьтай байсан бол зургаан хувийн хүүтэй зээлийнх 33.9 хувьтай байсан байна.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com