2021 онд нийт нэг их наяд төгрөгийн ипотекийн зээл олгосон нь 2020 оныхоос хоёр дахин өссөн үзүүлэлт болж байна.

2019-2020 онд 400 гаруй тэрбум төгрөгийн ипотекийн зээл олгож байжээ. Өнгөрсөн онд ипотекийн зээлийн хүүг зургаан хувь болгож бууруулсан юм.

Үүнээс гадна тээвэр логистикийн асуудал тулгарсан өнгөрсөн онд орон сууцны үнэ өссөн байна. Ийнхүү эрэлт нийлүүлэлтээсээ давсан аж.

Харин энэ оны нэгдүгээр сарын 10-ны байдлаар нийт 115 зээлдэгчид 10.6 тэрбум төгрөгийг ипотекийн зээл олгоод байгааг Монголбанк мэдээллээ.

2022 онд барилгын салбарт 246 тэрбум төгрөгийн санхүүжилт хийгдэхээр төсөвт тусгаад байна. Энэ нь өмнөх оноос буурсан үзүүлэлт болж байгаа юм.

Өнгөрсөн онд цар тахлын улмаас бүтээн байгуулалт зогсонги байдалтай байв. Үүний улмаас барилгын компаниуд 500 гаруй тэрбум төгрөгийн алдагдалд хүрсэн тооцоолол гарсныг салбарынхан онцолж байна.

Э.Одончимэг

Холбоо барих: odonchimeg.e@bloombergtvmongolia.com

minjma.g@bloombergtvmongolia.com