Мөнгөний нийлүүлэлт аравдугаар сард өмнөх оны мөн үеэс 19 хувиар өсөж, 26.8 их наяд төгрөг болсон байна.

Мөнгөний нийлүүлэлтийн өсөлт 2020 оны III улирлаас нэмэгдэж эхэлжээ. Аравдугаар сарын байдлаар өсөлтийн 12.5 нэгж хувийг төгрөгийн хадгаламж, 8.4 нэгж хувийг төгрөгийн харилцах бүрдүүлсэн байна. Өөрөөр хэлбэл өсөлтийг эх үүсвэр талаас төгрөгийн харилцах болон хадгаламж бүрдүүлж байна.

Тайлант сард нийт хадгаламжийн хэмжээ 18.9 их наяд төгрөг байна. Үүнээс 21.1 хувийг нь гадаад валютын хадгаламж, үлдсэн хувийг төгрөгийн хадгаламж бүрдүүлжээ.

Төгрөгийн эх үүсвэрийн өсөлт эрчимжиж, гадаад валютын эх үүсвэр харьцангуй тогтвортой байна. Үүнтэй холбоотойгоор банкны системийн эх үүсвэрийн долларжилтын түвшин сүүлийн гурван улирлын турш тасралтгүй буураад байна.

С.Өнөрсайхан | @unursaikhan_sor

Холбоо барих: unursaikhan.s@bloombergtvmongolia.com

minjma.g@bloombergtvmongolia.com