ХБНГУ-ын Канцлер Олаф Шольц Францын Ерөнхийлөгч Эммануэль Макрон болон Италийн Ерөнхий сайд Марио Драги нар Украиныг Европын Холбоонд элсэхээр нэр дэвшигчийн статус авахад нь дэмжлэг үзүүлэхээ мэдэгдлээ.

Удирдагчид Киев хотод айлчлах үедээ Украин улсын Ерөнхийлөгч Владимир Зеленскийтэй уулзсан байна.

ОХУ нийлүүлэлтээ бууруулснаар Европт байгалийн хийн үнэ эрс өсөөд байгаа юм. Айлчлалын үеэр ОХУ-ын тал нийлүүлэлтээ бууруулсныг Италийн Ерөнхий сайд Марио Драги “Улс төрийн зорилготой үйлдэл” гэж шүүмжилжээ.

Үүнээс гадна NATO-ийн гишүүн орнуудын Батлан хамгаалахын сайд нар Украинд дэмжлэг үзүүлэх асуудлыг хэлэлцэхээр Брюссельд хуралдсан байна.

АНУ-ын Батлан хамгаалахын сайд Ллойд Остин
“Украин улсад батлан хамгаалах, эдийн засгийн, хүмүүнлэгийн тусламж үзүүлэх зорилгоор АНУ-ын Конгресс нийт 40 тэрбум ам.доллар батлаад байна. Зургаадугаар сарын нэгний өдөр Ерөнхийлөгч Жо Байден Украин улсад одоогийн тулаанд нь шаардлагатай зүйлсээр хангахад нэмэлт 700 сая ам.доллар баталсан. Үүнд залуурт “MLRS” зэвсэглэл бүхий “HIMARS” пуужингийн систем багтаж байна. Мөн энэ багцад жавелин, нисдэг тэрэг, пуужин илрүүлэгч радар, бусад зэр зэвсэг багтсан. Харин өнөөдөр АНУ Украинд нэмэлт нэг тэрбум ам.долларын аюулгүй байдлын тусламжийн багц илгээхээр болсныг зарлах боломж алдсанд баяртай байна” гэж мэдэгдлээ.

Э.Мишээлт

Холбоо барих: misheelt.e@bloombergtvmongolia.com

minjma.g@bloombergtvmongolia.com