АНУ, Их Британи, Канад зэрэг “Их 7”-ийн улсууд ОХУ-ын алтны импортод хориг тавих төлөвтэй болсноор үнэ нь 0.4 хувиар өсөж, унц нь 1833 ам.доллар боллоо.

Алтны үнэ гуравдугаар сард шинэ дээд түвшинд хүрсний дараа үнэд нь төдийлөн өөрчлөлт гараагүй байна. Украины дайнтай холбоотойгоор улс орнууд ОХУ-ын эсрэг хориг арга хэмжээ авснаар ОХУ-Их Британи хоорондын алтны нийлүүлэлт бараг зогссон гэж хэлж болохоор байгаа юм.

Мөн алтны зах зээлд стандарт тогтоодог “London Bullion Market Association” гуравдугаар сард ОХУ-ын алт олборлогчдыг итгэмжлэгдсэн жагсаалтаас хассан байна.

Харин ОХУ “Их 7”-д багтдаггүй БНХАУ, Ойрх Дорнодын улсуудад алт ихээр нийлүүлж эхлэх төлөвтэй байгаа аж.

Г.Хулан | @KhulanGanzorig

Холбоо барих: khulan.g@bloombergtvmongolia.com

minjma.g@bloombergtvmongolia.com