Их Британи Европын Холбооноос хэлэлцээр хийхгүй гарвал эдийн засагт нь маш хүнд тусна гэж Дэлхийн худалдааны байгууллагын тэргүүн Роберто Азеведо мэдэгдлээ. Мөн Хойд Ирландын хилийн асуудлаар Их Британийн эрх баригчид зөвшилцөлд хүрэх ёстойг тэрбээр бас сануулж байна.

Учир нь Их Британийн Парламент энэ асуудлаар одоо хүртэл шийдэлд хүрээгүй байгаа юм. Их Британийн Ерөнхий сайд Тереза Мэйн боловсруулаад байгаа BREXIT-ийн хэлэлцээрийн төсөлд Хойд Ирландын хилийн дагуу Гаалийн шалган нэвтрүүлэх цэг байгуулахгүй байхаар тусгасан аж. Хэрэв Их Британи Европын Холбоотой худалдааны хэлэлцээр хийхгүй бол Дэлхийн худалдааны байгууллагын тарифын дүрэм журмыг мөрдөх болно. Ингэснээр Их Британи Дэлхийн худалдааны байгууллагын бусад гишүүн орнуудтай адил хэмжээний тариф төлөх ёстой болох юм байна.

Дэлхийн худалдааны байгууллагын тэргүүн Роберто Азеведо “Их Британи Европын Холбооноос ямар байдлаар гарах вэ гэдгээс BREXIT ямар нөлөө үзүүлэх нь хамаарна. Хэрэв Их Британи Европын Холбоотой худалдааны хэлэлцээр хийхгүй бол Дэлхийн худалдааны байгууллагын тарифын дүрэм журмыг мөрдөх болно. Ингэснээр Их Британи Дэлхийн худалдааны байгууллагын бусад гишүүн орнуудтай адил хэмжээний тариф төлөх ёстой болно” гэж мэдэгдлээ.

С.Өлзийбуян

Холбоо барих: ulziibuyan.s@bloombergtvmongolia.com

minjma.g@bloombergtvmongolia.com