Их Британийн инфляци тавдугаар сард 2.7 хувьтай байсан бол зургадугаар сард хэрэглээний үнийн индекс өмнөх оны мөн үеийнхээс 2.9 хувиар өссөн гэж Лондон дахь Үндэсний статистикийн газраас мэдээлжээ. Харин шинжээчдийн дийлэнх нь инфляци гурван хувьд хүрнэ гэж таамаглаж байсан аж. Сараар авч үзвэл, зургадугаар сард хэрэглээний үнийн индекс өмнөх сарынхаас 0.2 хувиар буурсан байна. Мөн хүнс, архи тамхи, эрчим хүчний үнийг оруулалгүйгээр тооцон гаргадаг инфляци тавдугаар сард 2.2 хувь байсан бол зургадугаар сард 2.3 хувь болж өсчээ. Түүнчлэн зургадугаар сарын инфляцийн үзүүлэлтийг албан ёсоор танилцуулсны дараа фунтын ханш ам.долларын эсрэг 0.2 хувиар суларсан байна. Үүнээс гадна инфляцийг хоёр хувьд хүргэх зорилт тавиад байгаа Английн Төв банкны удирдлагуудын тооцоолж байгаагаар хэрэглээний үнийн индексийн өсөлт цаашид буурах төлөвтэй байгаа аж.

Э.Анхбаяр

Холбоо барих: Ankhbayar.e@bloombergtvmongolia.com

Tsatsralt.b@bloombergtvmongolia.com