АНУ, Япон, Их Британи, Хонгкогт COVID-19-ийн халдварын “Omicron” хувилбарын “BA.2” вирус эрчимтэй тархаж байгаагаас халдварын тархалт дахин эрчимжиж магадгүй байна.

Их Британид “BA.2” вирусийн халдвар шинээр бүртгэгдэж буй нийт тохиолдлын 82 хувийг эзэлж байгааг COVID-19-ийн статистик мэдээллийг нэгтгэсэн “Covariants.org” веб сайт мэдээллээ.

Үүний улмаас тус улсад шинээр бүртгэгдэж буй тохиолдол долоо хоногийн дунджаар 37 хувиар өсөөд байна.

Түүнчлэн АНУ-д шинээр бүртгэгдэж буй нийт тохиолдлын 50-70 орчим хувийг “BA.2” вирусийн халдвар эзэлж байгааг “Helix” геномикийн судалгааны компани мэдээллээ.

Үүний нөлөөгөөр ирэх долоо хоногуудаас халдварын тархалт эрчимжиж магадгүй гэж АНУ-ын Халдварт өвчин судлалын хүрээлэнгийн тэргүүн Энтони Фаучи онцлов.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com