Өнгөрсөн сарын сүүлээс нийслэлийн нийтийн тээврийн үйлчилгээнд цахим карт нэвтрүүлснээс хойш нийт иргэдийн ердөө 14-15 хувь нь цахим карт худалдан авсан талаар Нийслэлийн тээврийн газраас мэдээллээ. Харин үлдсэн 85-86 хувь нь бэлэн мөнгөөр зорчсон хэвээр байгаа ажээ. Нийтийн тээвэрт цахим картны хэрэглээг бүрэн нэвтрүүлснээр иргэдийн нийтийн тээврийн хэрэглээний талаар нэгдсэн мэдээллийн сан бий болгож зарим хөнгөлөлт үзүүлэх боломжийг судлах учраас ирэх есдүгээр сарын нэгнээс өмнө цахим карт худалдаж авах шаардлагатай байгааг хариуцагч байгууллага онцоллоо. Одоогоор нийслэлийн нийтийн тээвэрт гурван төрлийн шинэчлэлийг хэрэгжүүлж байна. Шинэчлэлийг хэрэгжүүлснээр замын хөдөлгөөний ачааллыг бууруулж, иргэдийн цагийг хэмнэх боломжтой болж байгаа ч сэлгэн суух шаардлага гарч байгаа нь иргэдийн санхүүд дарамт болж байгаа юм. Харин цахим картыг хэрэглээнд бүрэн нэвтрүүлснээр сэлгэн суухад хөнгөлөлт үзүүлэх зэрэг боломжууд нээгдэх юм байна.

Б.Дуламхорлоо

Холбоо барих: dulamkhorloo.b@bloombergtvmongolia.com

minjma.g@bloombergtvmongolia.com