Үйлдвэрлэлийн металлуудын үнэ үргэлжлэн өсөж байна. Ялангуяа зэс, хөнгөн цагааны үнэ ихээр өслөө.

Зэсийн үнэ тонн нь 10 мянган ам.доллар давж, тавдугаар сарын оргил түвшинд хүрэхэд ойртоод байна. Дэлхийн хэмжээнд эрчим хүчний хямрал хүндэрч, нийлүүлэлт огцом буурсан нь үнэ өсөхөд голлон нөлөөлжээ. Ингэснээр нийлүүлэлтийн гинжин хэлхээ тасалдаж, инфляцын дарамт тооцоолж байснаас удаан үргэлжлэх төлөвтэй байна. Өнгөрсөн долоо хоногт Лондоны Металлын биржид металлын ханшийн индекс бүх цаг үеийн дээд түвшинд хүрч өсөөд байсан юм.

Зэсийн үнэ Лондоны Металлын биржид 2.9 хувиар өсөж, тонн нь 10 мянга 281 ам.доллар болоод байна. Харин тавдугаар сард тонн нь 10 мянга 745 ам.доллар болж өсөж байсан юм.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com