ЗГ: Баруун болон зүүн босоо чиглэлийн төмөр зам барих ажлыг үргэлжлүүлэх шийдвэр гаргалаа
“Монголын төмөр зам” ТӨХК-ийн оролцоотойгоор шинэ төмөр замын хоёр төсөлд тусгай зориулалтын компаниуд байгуулахаар Засгийн газраас шийдвэрлэлээ.
“Арцсуурь-Нарийнсухайт-Шивээхүрэн төмөр зам”, мөн “Чойбалсан-Хөөт-Бичигт төмөр зам” гэсэн хоёр тусгай зориулалтын компани байгуулах аж. Төмөр замын төслийг хамтран хэрэгжүүлэх сонирхол бүхий гадаад, дотоодын хөрөнгө оруулагчдыг сонгон шалгаруулахаар болсон байна. Төмөр замын барилгын ажил дуусахад төмөр замын тээвэрлэлтийн үйл ажиллагааг “Монголын төмөр зам” компани гүйцэтгэхээр байна.
Мөн концессын гэрээний хугацаа дуусах үед төмөр замын суурь бүтцийг “Монголын төмөр зам” компанийн эзэмшилд шилжүүлэн авах нөхцөлөөр концессыг хэрэгжүүлэхээр төлөвлөжээ.
Ж.Зоригт | @TeraReader
Холбоо барих: zorigt.j@bloombergtvmongolia.com
minjma.g@bloombergtvmongolia.com