Хорио цээрийн зарим арга хэмжээг хөнгөвчилж, зарим бизнесийн үйл ажиллагааг лхагва гарагаас нээхээр болсныг Засгийн газар мэдээллээ.

Иймд амралтын газрууд, саун, бялдаржуулах төвүүдэд тавьсан хоригийг шат дараатай цуцлах болж байна. Хэдий тийм боловч ариутгал халдваргүйжүүлэлтийн арга хэмжээ авч, тодорхой журам гаргаж мөрдүүлэх ажээ. Үүний зэрэгцээ Улсын онцгой комисс БНХАУ-ын Эрээн хотоос 50 иргэнээ эргүүлэн татахаар ажиллаж байна.

Эсрэг биетийн шинжилгээгээр хоёр ч удаа "Эерэг" хариу гарсан “Сонгдо” эмнэлгийн хоёр сэжигтэй тохиолдлын PCR шинжилгээний хариу "Сөрөг" гарсныг Эрүүл мэндийн яам мэдээллээ. "Эсрэг биетийн шинжилгээ “Эерэг” гарна гэдэг нь шинэ төрлийн “коронавирус”-ээр өвчлөөд, эдгэрсэн байх магадлалтай" гэж “УБ-Сонгдо” эмнэлгийн захирал Б.Болдсайхан мэдээлсэн юм.

Одоогоор Монгол Улсад “COVID-19"-ийн батлагдсан 30 тохиолдол бүртгэгдээд байна.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com