Украйны Засгийн газрыг эсэргүүцэн жагсагчид Киевийн төв талбайд жагсаалаа үргэлжлүүлж байна. Тэд Виктор Януковичийг Владимир Путинтэй хэлэлцээр хийсэнд дургүйцэж байгаагаа илэрхийлсээр байгаа юм. Цагдаа нар жагсагчдыг тараахаар оролдсоны дараа 200 мянга гаруй жагсагч цугларчээ. Үүнтэй зэрэгцээд Украйны парламентын байрны гадна хэдэн зуун хүн цугларч, Виктор Януковичийг дэмжиж байгаагаа илэрхийлсэн байна. Виктор Янукович пүрэв гарагт хийсэн мэдэгдэлдээ барууны орнуудын Засгийн газрыг Украйны дотоод асуудалд хөндлөнгөөс оролцохгүй байхыг хүсчээ. Сүүлийн өдрүүдэд барууны томоохон дипломатчид Киевт очиж, жагсагчдыг дэмжиж байгаагаа илэрхийлэх болсон юм. 

Т.Элиса 

Холбоо барих: elisa.t@bloombergtvmongolia.com 

minjma.g@bloombergtvmongolia.com