Нэгдүгээр сарын 22-ны өдрийн 11.00 цагийн байдлаар нийслэлд “коронавирус”-ийн найман тохиолдол шинээр бүртгэгдэж, дотоодын халдварын тохиолдол 1089 боллоо. Эдгээрээс нэг нь ХӨСҮТ-ийн ажилтан, долоо нь өмнө батлагдсан тохиолдлуудын ойрын хавьтал байгаа аж.

Өнөөдрийн байдлаар улсын хэмжээнд “коронавирус”-ийн халдварын батлагдсан нийт тохиолдол 1592 болоод байна. Сүүлийн өдрүүдэд Баянгол дүүрэг, Баянзүрх дүүргийн халдварын голомт идэвхтэй байна. Нийслэлийн нийт тохиолдлын 54 орчим хувь нь дээрх дүүргүүдэд бүртгэгдээд байгаа юм.

Үүнээс гадна өнөөдөр БНСУ-аас тусгай үүргийн нислэгээр 160 иргэн ирэхээр байгааг Онцгой Байдлын Ерөнхий Газар мэдээллээ. Дараагийн нислэгийг мөн энэ чиглэлд энэ сарын 31-нд үйлдэнэ. Сүүлийн жил орчмын хугацаанд гадаадын 93 улсаас 28 мянга 195 иргэн эх орондоо ирээд байгааг Гадаад харилцааны яам мэдээллээ.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com