Нийслэлийн газар зохион байгуулалтын төлөвлөгөөнд гурван жилийн дотор 186.7 км унадаг дугуйн зам, 99 иж бүрэн унадаг дугуйн зогсоол шинээр барихаар тусгажээ. “Унадаг дугуйн шинэ зам төсөл”-ийн хүрээнд Улаанбаатар хотын ихэнх гудамж талбайд явган замын хажуугаар шинээр зам тавих болон одоо байгаа өргөн чөлөө дагуух явган замыг тэмдэгжүүлэн ашиглах боломжтой гэж үзсэн байна. Энэ хүрээнд эхний ээлжинд сургалт, аялал зугаалгаар голчлон ашиглах унадаг дугуйн 58 км зам, 20 орчим нэгдсэн зогсоол барихаар төлөвлөжээ. Тодруулбал Богд уулын хойгуур болон төмөр зам дагуу 33 км зам, Энхтайваны өргөн чөлөө дагуу 8.6 км зам барих юм байна. Унадаг дугуйн замтай болсноор дугуйн хэрэглээ нэмэгдэхээс гадна замын түгжрэл, агаарын бохирдлыг тодорхой хэмжээгээр бууруулах ач холбогдолтой гэж мэргэжилтнүүд онцолж буй юм.

Холбоо барих: Tsatsralt.b@bloombergtvmongolia.com